2025年全新推出嘅Bonneville Bobber TFC，是代表品牌嘅顶级手工客制化车型，全球限量750台，呢架车唔单止系一架电自行车，简直系一件艺术品！难得香港代理最近有一部喺showroom，今次就拉大队到showroom影相兼拍片，深入浅出咁同大家介绍Bonneville Bobber TFC，仲会同普通版Bobber比较一下，睇吓佢有咩过人之处。

Triumph Bonneville Bobber TFC属高端玩家专属收藏

Bonneville Bobber TFC嘅市场定位好明确，就系针对高端电自行车玩家同收藏家。呢部车唔系普通嘅代步工具，而系一架专为“识货”车主设计嘅顶级车款。笔者推断佢嘅目标客群会系35岁以上、有经济能力、热衷电自行车文化嘅人，特别系𠮶啲已经拥有唔止一架车、想揾一架有独特个性同收藏价值车款嘅车迷。 

TFC嘅限量性同高质感，仲吸引一班钟意投资电自行车嘅收藏家。因为全球限量750部，可见Bobber TFC唔单止系用来驾驶，仲有机会成为未来嘅增值资产。

而事实上，眼前呢部Bobber TFC系香港市场唯一一部，日后仲有冇可能出现第二、第三部？可能性微乎其微。喺市场上，TFC系列一直以“稀有”同“尊贵”作为卖点，Bobber TFC更加系将呢个定位推到极致，俾买家感受到“专属订制”嘅尊荣感。

现时未能入手Bobber TFC亦唔紧要，因为笔者觉普通版Bobber都非常有型呀，只是少了客制化的罕有性，先入手普通版Bobber，再等待时机买Bobber TFC亦都系一个止渴方法。

Bobber TFC同普通版Bobber同样有浓厚古典味道，分别在于细节

Bonneville Bobber TFC版本

车身左边

Triumph Bonneville Bobber TFC以黑金配色配合复古奢华

讲到外观，Bonneville Bobber TFC真是一个字：型！佢承袭咗普通版Bobber嘅经典美式手工车风格，但加咗更多奢华同独特嘅元素。最抢眼嘅系佢嘅黑金配色，呢个配色方案将黑色嘅低调同金色嘅高贵完美融合，俾人一种既硬朗又精致嘅感觉。

金色部分仲系由手工打造，呈现出金色石嘅纹理效果，每一架车嘅金色石纹路都略有不同，呢个细节真系充满匠心。车身嘅碳纤维部件系另一大亮点，例如座位下面嘅碳纤维风箱同尾喉咀，唔单止减轻车重，仲为外观增添一份高科技感。

TFC专属嘅徽章，刻喺引擎盖同油箱附近，加上限量号码刻喺前叉上眼镜位置，俾人一种“呢架车系为我而设”嘅专属感。油缸上嘅TFC标志同手工拉丝金属纹理，更加突显出佢嘅高档质感。

精美油缸上嘅Bobber字加咗TFC徽章，油缸上嘅金色石纹理全由人工处理，每部都不同

座位底下面嘅风箱外壳改为碳纤维外层

限量号码牌同TFC徽章都放喺前叉上面

前上下眼镜使用铝合金CNC材质

同普通版Bobber相比，TFC嘅外观细节更加精致。例如普通版用嘅系一般不锈钢排气喉，而TFC就升级用Akrapovič 制嘅排气喉，配上碳纤维隔热喉咀，唔单止外观更型，排气声浪仲更加低沉有力，揸出街真系全场焦点。

普通版嘅配色虽然都好有复古味，但多数系单色或双色设计，笔者当然都收货啦，不过一拍埋TFC度，即刻少咗份层次感同奢华感。TFC嘅黑金配色同手工细节，俾人一种“高级订制”嘅感觉，绝对系街头上嘅吸睛神器。

前轮沙板都有碳纤维装饰，既美观又可以轻量化

Triumph Bonneville Bobber TFC细节升级强化操控

讲到性能，Triumph Bonneville Bobber TFC虽然同普通版用同一台1,200c.c. 双缸水冷引擎，但喺细节上做咗唔少升级，令驾驶体验更加出色。呢台引擎以低转高扭力闻名，最大马力76匹，峰值扭力106Nm，喺低至中转速范围已经可以爆发强劲动力，无论系市区慢骑定系公路巡航，都好有霸气。

TFC版嘅最大升级在于电子控制系统。佢提供咗三种骑乘模式，包括“运动”、“道路”、“雨天”，比普通版嘅两种模式“道路”及“雨天”多咗一个运动模式。

喺运动模式下，油门反应经过重新调校，更加灵敏同直接，俾骑士一个更刺激嘅驾驶体验。呢个模式特别适合想喺弯路或者高速路段感受Bobber灵活操控嘅车迷。

另一个升级系Akrapovič排气喉，唔单止令声浪更吸引，仲略为减轻咗车身重量，提升整体性能。TFC仲配备咗更高级嘅Brembo双碟刹系统同埋可调校式悬挂，令制动同操控更加精准。

相比之下，普通版Bobber虽然都有Brembo刹车系统，但系只用单碟设计，制动力同TFC版本比较之下略为逊色。悬挂方面，TFC嘅前叉同后避震都经过特别调校，务求喺舒适同运动性能之间取得更好平衡。

重量方面，TFC用咗碳纤维部件同轻量化设计，车重比普通版Bobber嘅251kg略轻，令操控更灵活。虽然马力同扭力数据同普通版无大分别，但透过电子系统同排气管嘅优化，TFC喺加速同反应速度上明显快咗一啲，骑起来更爽快。

Akrapovič排气喉唔止样靓声正，碳纤维部件亦有轻量化作用

TFC版换上OHLINS倒立前叉，有多个微调细节

TFC版前轮使用Brembo刹车，有更好制动效能

单筒式尾避震都由OHLINS提供

Triumph Bonneville Bobber TFC型格性能完美结合

Triumph Bonneville Bobber TFC系一架将复古风格、现代科技同顶级手工完美结合嘅电自行车。佢嘅诞生目的系为咗满足一班追求独特同极致体验嘅车迷，市场定位系高端玩家同收藏家。

外观上，黑金配色同手工细节俾佢一种无与伦比嘅奢华感；喺性能上，三种骑乘模式、Akrapovič排气管同轻量化设计，令驾驶体验更上一层楼。

同普通版Bobber相比，TFC无论系外观、性能定系稀有性都更胜一筹，虽然普通版Bobber只系卖$168,800，同TFC唔同级数，但对于钟意独特风格同收藏价值嘅车迷，TFC绝对系一架值得拥有嘅梦幻座驾。

如果你系一个追求型格、享受骑行乐趣、又想拥有独一无二电自行车嘅人，Bonneville Bobber TFC 肯定会系你嘅心头好，留意下次TFC版几时推出喇。

目前TFC版已经完售，然普通版Bobber只系卖$168,800